ਸੀਨੀਅਰ ਪੱਤਰਕਾਰ ਤੇਜਿੰਦਰ ਸਿੰਘ ਆਰਟਿਸਟ ਦੀ ਵਿਸ਼ੇਸ਼ ਰਿਪੋਰਟ
ਚੰਡੀਗੜ੍ਹ – ਸਿਆਸੀ ਚਰਚਾਵਾਂ ਨੂੰ ਮਿਲੀ ਨਵੀਂ ਹਵਾ – “ਪ੍ਰਧਾਨ ਮੰਤਰੀ ਮੋਦੀ ਅੱਜ ਹੜ੍ਹ ਪ੍ਰਭਾਵਿਤ ਖੇਤਰਾਂ ਦਾ ਜਾਇਜ਼ਾ ਲੈਣ ਪਹੁੰਚਣਗੇ”
– ਪੰਜਾਬ ਵਿੱਚ ਆਏ ਵਿਨਾਸ਼ਕਾਰੀ ਹੜ੍ਹਾਂ ਦੇ ਵਿਚਕਾਰ ਅੱਜ ਇੱਕ ਅਹਿਮ ਘਟਨਾ ਸਾਹਮਣੇ ਆਈ, ਜਦੋਂ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਵਿੱਚ ਦਾਖ਼ਲ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨਾਲ ਮੁਲਾਕਾਤ ਕੀਤੀ।
*ਮਾਨ ਇਸ ਵੇਲੇ ਬੀਮਾਰੀ ਕਾਰਨ ਇਲਾਜ ਅਧੀਨ ਹਨ ਪਰ ਹਸਪਤਾਲ ਵਿੱਚ ਹੀ ਅਧਿਕਾਰੀਆਂ ਨਾਲ ਰਾਹਤ ਕੰਮਾਂ ਬਾਰੇ ਮੀਟਿੰਗਾਂ ਕਰ ਰਹੇ ਹਨ। ਸੈਣੀ ਨੇ ਇਸ ਮੁਲਾਕਾਤ ਨੂੰ ਹੜ੍ਹ ਪੀੜਤਾਂ ਨਾਲ ਏਕਤਾ ਦਾ ਪ੍ਰਗਟਾਵਾ ਦੱਸਿਆ।
*ਹਰਿਆਣਾ ਸਰਕਾਰ ਵੱਲੋਂ ਪੰਜਾਬ ਨੂੰ 5 ਕਰੋੜ ਰੁਪਏ ਦੀ ਮਾਲੀ ਸਹਾਇਤਾ ਦਿੱਤੀ ਗਈ ਹੈ, ਨਾਲ ਹੀ 15 ਰਾਹਤ ਸਮੱਗਰੀ ਵਾਲੇ ਟਰੱਕ ਭੇਜੇ ਗਏ ਹਨ। ਇਸ ਕਦਮ ਨੂੰ ਪੰਜਾਬ-ਹਰਿਆਣਾ ਸਹਿਯੋਗ ਦੇ ਨਵੇਂ ਪੜਾਅ ਵਜੋਂ ਵੇਖਿਆ ਜਾ ਰਿਹਾ ਹੈ।
*ਸਿਆਸੀ ਪਹਲੂ*
ਸਿਆਸੀ ਵਿਸ਼ਲੇਸ਼ਕ ਮੰਨਦੇ ਹਨ ਕਿ ਇਹ ਮੁਲਾਕਾਤ ਸਿਰਫ਼ ਰਾਹਤ ਕਾਰਜਾਂ ਤੱਕ ਸੀਮਿਤ ਨਹੀਂ ਹੈ, ਸਗੋਂ ਪੰਜਾਬ ਦੀ ਅੰਦਰੂਨੀ ਸਿਆਸਤ ‘ਤੇ ਵੀ ਪ੍ਰਭਾਵ ਪਾ ਸਕਦੀ ਹੈ।
*ਹਾਲ ਹੀ ਵਿੱਚ ਪੰਜਾਬ ਕੈਬਨਿਟ ਵਿੱਚ ਹੋਈਆਂ ਮਹੱਤਵਪੂਰਨ ਤਬਦੀਲੀਆਂ
22 ਆਈਏਐਸ ਅਤੇ 8 ਪੀਸੀਐਸ ਅਧਿਕਾਰੀਆਂ ਦੀ ਤਬਦੀਲੀ
ਇਹ ਸਭ ਰਾਜਨੀਤਕ ਗਰਮੀ ਨੂੰ ਹੋਰ ਵਧਾ ਰਹੇ ਹਨ।
*ਕੇਜਰੀਵਾਲ ਦੀ ਗੈਰਹਾਜ਼ਰੀ ਚਰਚਾ ਦਾ ਵਿਸ਼ਾ*
ਆਪ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਨੇ 4 ਸਤੰਬਰ ਨੂੰ ਮਾਨ ਨਾਲ ਰਹਾਇਸ਼ ‘ਤੇ ਮੁਲਾਕਾਤ ਤਾਂ ਕੀਤੀ ਸੀ, ਪਰ ਹਸਪਤਾਲ ਵਿੱਚ ਨਾ ਪਹੁੰਚਣ ਕਾਰਨ ਵਿਰੋਧੀ ਧਿਰਾਂ ਵੱਲੋਂ ਸਵਾਲ ਖੜ੍ਹੇ ਕੀਤੇ ਜਾ ਰਹੇ ਹਨ। ਇਹ ਹਾਲਾਤ ਆਮ ਆਦਮੀ ਪਾਰਟੀ ਦੇ ਅੰਦਰੂਨੀ ਅਸਥਿਰਤਾ ਵਜੋਂ ਪੇਸ਼ ਕੀਤੇ ਜਾ ਰਹੇ ਹਨ।
*ਪ੍ਰਧਾਨ ਮੰਤਰੀ ਮੋਦੀ ਦਾ ਦੌਰਾ*
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕੱਲ੍ਹ (9 ਸਤੰਬਰ) ਪੰਜਾਬ ਦੇ ਹੜ੍ਹ ਪ੍ਰਭਾਵਿਤ ਖੇਤਰਾਂ – ਖ਼ਾਸਕਰ ਗੁਰਦਾਸਪੁਰ – ਦਾ ਦੌਰਾ ਕਰਨਗੇ।
ਬੀਜੇਪੀ ਨੇ ਇਸਨੂੰ ਪੰਜਾਬ ਦੇ ਮੁੜ ਵਿਕਾਸ ਦੀ ਸ਼ੁਰੂਆਤ ਕਿਹਾ ਹੈ, ਜਦਕਿ ਵਿਰੋਧੀ ਇਸਨੂੰ ਸਿਆਸੀ ਮੌਕਾਪਰਸਤੀ ਵਜੋਂ ਵੇਖ ਰਹੇ ਹਨ।
*ਅੱਗੇ ਦਾ ਰਾਹ*
ਪੰਜਾਬ ਵਿੱਚ ਹੜ੍ਹਾਂ ਨੇ ਹਜ਼ਾਰਾਂ ਲੋਕਾਂ ਦੀ ਜ਼ਿੰਦਗੀ ਉਲਟ ਕੇ ਰੱਖ ਦਿੱਤੀ ਹੈ। ਸਰਕਾਰਾਂ ਅੱਗੇ ਸਭ ਤੋਂ ਵੱਡਾ ਚੁਣੌਤੀ ਲੋਕਾਂ ਦੀ ਰਾਹਤ ਤੇ ਮੁੜ ਵਸਾਹਟ ਹੈ। ਸਿਆਸੀ ਮੁਲਾਕਾਤਾਂ ਅਤੇ ਗਠਜੋੜਾਂ ਦੇ ਸੰਕੇਤਾਂ ਦੇ ਬਾਵਜੂਦ, ਹਾਲਾਤ ਲੋਕ-ਕੇਂਦਰਿਤ ਰਣਨੀਤੀਆਂ ਦੀ ਮੰਗ ਕਰ ਰਹੇ ਹਨ।
(ਤਜਿੰਦਰ ਆਰਟਿਸਟ – 82849.4044)
